أغنية الأطفال "انا عندي بغبغان "

رام الله - دنيا الوطن
انا عندي بغبغان غلباوي بنص لسان
بيلفظ اللي اقوله ويذاكره الليل بطوله
والصبح القاه يقوله ويعيده لوحده كمان
زي التلميذ الشاطر بيذاكر الامتحان..

بيزعل لما اقول له كلمة تغيضه بالذات
ويفرح لما اصالحه بالسكر النبات
ويغني غناي كله ويقلد النغمات
اكمنه وذنه حلوه وبيحفظ اي غنوه
ولا عمره مرة نشز ولا لخبط في النغمات
زي التلميذ الشاطر بيذاكر الامتحان

حفظته ابجذ هوز منقوله مـ الكتاب
وصبح شاطر حقيقي في الجبر والحساب
واسأل له بانجليزي يسبقني بالجواب
على شان كده باحبه واقعد بالساعه جنبه
واديله بايديا الموز والبرتقان
زي التلميذ الشاطر بيذاكر الامتحان

انا عندي بغبغان غلباوي بنص لسان
بيلفظ اللي اقوله ويذاكره الليل بطوله
والصبح القاه يقوله ويعيده لوحده كمان
زي التلميذ الشاطر بيذاكر الامتحان..