بالفيديو: "حمادة سلطان" فى اّخر ظهور : "ماقدرتش أجيب الدوا والنقابة مسألتش"

رام الله - دنيا الوطن
غادر عالمنا، صباح اليوم الثلاثاء، الفنان حمادة سلطان، الملقب بـ"صاروخ النكتة"، عن عمر يناهز 73 عامًا.

وكان آخر ظهور إعلامي لـ"سلطان" في برنامج "صاحبة السعادة"، مع الفنانة إسعاد يونس، على قناة "سى.بى.سى".

وخلال لقائه تقدم سلطان بشكوى علنية لجمهوره من النقابات الفنية، التي لا تعيره أي اهتمام، ولم تهتم به خلال معاناته مع المرض، رغم أنه عُرض عليه السفر إلى أمريكا للعلاج على نفقة أحد المواطنين هناك، إلا أنه رفض، كما عُرض عليه عرض إنجليزى في الثمانينات بالحصول على الجنسية الإنجليزية، والسفر للاستقرار بلندن، ورفض أيضا لولائه الشديد لوطنه.

وقال سلطان متأثرًا: "عملت عملية قلب مفتوح، وعملية في عينى ومحافظ كفر الشيخ السابق دفعلى 10 آلاف جنيه من جيبه، ولما روحت لنقابة المهن الموسيقية، ونقابة المهن التمثيلية مارضيوش يصرفولى تعريفة، ولا حد سأل عليا، ولا حد اتصل بيا يطيب خاطرى بكلمتين، أنا مش عايز منهم حاجة، أنا بس عايز تمن الدوا، الدوا كان نوعين نوع بـ 100 جنيه، ونوع بـ960 جنيه، أنا قدرت على أبو 100 جنيه جبته، لكن أبو 960 ده هجيبه منين، دول ألف جنيه".

وأضاف "عشت 55 سنة، أقول نكت كان ممكن أقول 500 نكتة في الحفلة الواحدة، وكل ده بخمسة جنيهات بس، أول أجر ليا كان 5 جنيهات، والناس كانت بتحبنى، وبتحب النكت بتاعتى، وكانوا بيعرضوا عليا فلوس علشان أتعالج لكنى رفضت، واستنيت الدولة تعرف حقى، لكن لحد دلوقتى برضو ماحدش كلمنى ولا سأل عليا".