المسلسلات و الروايات

بسم الله الرحمن الرحيم
السلام عليكم ورحمة الله وبركاته
بتكلم اليوم عن موضوع يمكن تم طرحه سابقاً بشكل عام , بس انا اليوم ابغى اركز على نقطة مهمة .. قبل ما ابدء الموضوع بذكر لكم موقف صار معاي , وبسببه فكرت بأني لازم اطرح هالموضوع للمناقشة ..

قبل فترة كنت وكالعادة فاتحة دفتر اختي اللي بالاعداي ( المتوسط ) واشوف شو أخذوا وو .. المهم وانا اقلب الاوراق شفت ورقة صفراء صغيرة فتحتها .. وتفاجأت بالكلام المكتوب .. كانت رسالة من صديقة اختي لأختي كاتبة فيها ( جوري تدرين خاطري اعرس بسرعة , واتمنى ان ريلي يضربني وانا اصيح واتضارب وياه , وبعدين نحب بعض !!! >> الاخت متأثرة بالروايات والمسلسلات بالحيل .. وتحته سؤال من اختي : بس ليش !؟ صديقتها : ماشفتي المسلسل الفلاني كيف كان فلان يضرب فلانة وبعدين حبوا بعض وو !!)

وانا اقرا الرسالة ما عرفت لازم اضحك ولا اصيح !!

تخيلوا بنت عمرها 12 هذا تفكيرها !! واكيد في غيرها بعد بنفس التفكير ..

طيب الحين سؤال .. ليش الكاتب يكتب مثل هالاشياء !؟

ليش يصور شي غير موجود في الواقع ؟ واذا موجود فهو نادر .

الكتابة رسالة وفن فليش يستخدمها في بث رسائل سلبية للمجتمع ليش يرسم في عقول المتابعين والقراء ان الحياة الزوجية مشاكل وعنف, بدل ما يرسم فكرة انها حياة تبنى على الاحترام والتفاهم ؟

العجيب ان متابعين هالنوعية من الرواية او المسلسل في الغالب كبير جداً ..

برأيكم هل يلجأ الكاتب لهالمواضيع لأنها تجذب المتابعين ؟!والقراء! ام هو مقتنع بما يكتب ؟

هل انت تِ من الذين تفضلين هذه الروايات او المسلسلات على غيرها ؟ لماذا ؟

اسمحولي اذا كان كلامي مب مرتب , بس ما حضرت الموضوع من قبل , وكتبت كل شي جا في بالي
==========
HB