الفنان جوني جورج يكشف عن كليب اغنيته الجديدة "فراشة ودبابة "

الفنان جوني جورج يكشف عن كليب اغنيته الجديدة "فراشة ودبابة "
رام الله - دنيا الوطن
أختار جونى أغنيته "فراشة ودبابة" التى أطلقت ضمن البومه الأخير "تعويذة"  لتصويرها فيديو كليب من خلال رسومات متحركة للفنانة سحر عبدالله واخراج حسين مطر.

 ومن المنتظر إطلاقها اليوم على مزيكا يوتيوب، تأتى الأغنية بشكل عام فى إطار الحروب والصراعات وإنتصارالفراشات فى النهاية فى مشهد غاية فى الروعة وهى ترفع الدبابات لأعلي.

الأغنية من كلمات والحان أنطونيوس نبيل وتوزيع وليد ميمنى، 

وفى تصريح خاص يقول جونى: أطلقت "فراشة ودبابة"منذ عامين وتعد من أجمل الحالات الإنسانية الصادقة التى قدمتها لهذا أصريت على أن تنضم لألبومى الأخير وإطلاقها فى فيديو كليب بشكل يتلأئم مع الحالة.

وتقول كلماتها:

اختلط الحابل بالنابل
فـ معارك مش واصلة لمعنى
وبارود العالم مش قابل
أنا وانتي الأحلام تجمعنا

دبحوا الأشجار زرعوا خنادق
بدل الورد بيهدوا بنادق
حاشينها بطلقات كوابيسهم
قدام بنادقهم مش فاضل
غير غنوة فـ قلبنا بتناضل
مهما يحاصروها بمتاريسهم

على كفِّك أنا كفّي متبِّت
بنحطَّم قوانين الغابة
جوَّانا الفراشات بتنبِّت
قادرة تشيل أجدع دبابة
وتطير بيها لأعلى سحابة
علشان فـ الآخر تفلتها
وتطير بيها لأعلى سحابة
وتسيبها..الأرض تفتفتها
نضحك على منظر تكسيرها
الخوذ القاسية تودَّعنا
الدنيا تلملم عصافيرها
ونغنِّي ماحدش يمنعنا

وقتها أول ما هـ نتلاقى
هـ ألمح ف عيونك طفلتنا
مش خايفة وهيا بتتشاقى
فـ عينيها بتكمل غنوتنا
والعالم كلُه بيسمعنا






التعليقات