كبســــة مع دجـــــاج مقلـــــي

غزة - دنيا الوطن

المقادير -
دجاجه وحده مقطعه ومنظفه
3 كاسات رز حبه طويله
جزر مقطع او مبشور
فلفل حلو الوان وممكن استخدام اللون المتوفر مش مشكله
بصله مفرومه ناعمه
بندوره مقطعه صغير 3 حبات
حمص حب منقوع ومسلوق -حسب الرغبه- بهالوصفه انا ما استخدمته
بننقع الرز
الدجاج بنقليه بقاع الطنجره لحتى تطلع كل ميته ويبدا لونه يتغير بنضل نقلبه لحتى يصير لونه ذهبي بنضيف ماء مغلي والبهارات المشكله او بهارات الكبسه اذا متوفره احسن معلقه كبيره
ورشة قرفه ناعمه
وملح
ومعلقة كاري
ورق غار
وحبة لومي
بنخليه يغلي بس يستوي بنشيله على جنب وبندهنه بصلصه مكونه من لبن زبادي مع صلصة معجون طماطم ورشة ملح ومعلقة زيت زيتون او نباتي وبندهنه منيح بالخلطه وبنقليه وممكن نشويه لحتى نحصل عهاللون
في مقلاه اثناء طبخ الدجاج بنقلي بصله وبنضيفلها الفلفل والبندوره والجزر والحمص وبنقلبهم وبنضيفلهم رشة بهارات وملح واذا في رشة جوزة الطيب بتعطي طعم ونكهه للكبسه
بنضيف الخلطه لمية سلق الدجاج وبنخليها تغلي دقيقتين مع الماء وبنضيفلها الرز وبنحركها بس مره وحده بهدوء لحتى تختلط الخضار بالرز بدون ما يتكسر وبنطبخه
بنزينها باللوز والبقدونس وصحتين

 جنـــــــــــــــــــــى