انا فتاة متزوجة فى مكان بعيد عن اهلى يعنى هم بغزة و انا عايشة بالضفة و الى 5 سنوات ما شفتهم تزوجت انسان تعرفت عليه عن طريق النت و احببته و هو فعلا انسان طيب و حنون و لكن متل كل هالبشر الو سلبيات و ايجابيات و لكن اكثر الامور الى تزعجنى اننى احيانا احس انو ما فى لغه مشتركة بيننا و حالة الخرس الزوجى دائمة فى البيت انا عندى ولد و بنت و انا بعد ما تزوجت صرت كتير عصبية و بتفشش فى كل شى لانى عايشة بغربة و حدة فظيعين لا اتمناهم لالد اعدائى و طباع البلد الى انا فيها كتير مختلفة عن بلدى و هاد سبب مشاكلى و انا حاولت اتكيف مع الناسى الى حوالى بس بيضلو يعاملونى انى انا غريبة و دايما مستوطين حيطى لانى ما الى حدا حوالى و اهلى مو عندى بينما سلفاتى بيعملولهم الف حساب لانهم الهم اهل انا بعرف انى حكيت كتير و يمكن ما وضحت مشكلتى كفاية انا بس حبيت افرغ شوية من مخزون 5 سنوات بداخلى مش قادرة احكيه او حتى افضفض فيه لاى انسان ع العموم شكرا ع الاستماع او بالاحرى ع القراءة و اذا حدا عندو نصيحة مشكور عليها